見oswald寫貓寫得咁熱鬧, 我又寫.
我哋隻爛鬼貓一向都唔中意外來貓嘅. 但有一日發覺佢竟然對隻黃色嘅貓一d都唔抗拒喎, 佢去邊, 隻黃貓就跟去邊.
呢, 喺隔離荒棄多時嘅雞棚頂曬太陽都係一齊:
隻黃貓好瘦好餓, 但又好似好馴嘅, 都唔知佢究竟有冇人養. 我試下將lucky食剩嘅嘢喂佢, 佢竟然食晒喎.
有一晚, lucky突然衝出去, 跟住聽到有貓聲, 我就走出去睇下, 原嚟有一隻黑色貓嚟食喂黃貓嘅食物, lucky唔俾佢食! 哈哈,佢幫隻黃貓看守食物呀!
依家隻黃貓成日都嚟我哋度, 重識叫我攞嘢食添. 好似養多咗一隻咁煩呀.
緣來添好,有伴總是福. 白田
回覆刪除對我嚟講, 好處係唔使咁煩, 隻爛鬼貓有個朋友仔玩就唔使成日嚟黐住我. :)
回覆刪除似乎LUCKY一早識得佢, 如果唔係冇禁順攤,
回覆刪除分食分地盆,對貓來說真係難D. 可能係LUCKY專登帶佢黎見見家長, 妳知LUCKY幾精鬼.
見家長! haha!
回覆刪除咁佢過到關, 哈哈. 佢冇我哋隻爛鬼貓咁難服侍, 佢唔揀嘢食.
lucky唔止精鬼, 佢係好蠱惑. 今朝我出咗花園做嘢, 不過好快返嚟厨房攞嘢, 一開門, 就見佢喺士多房衝出嚟即刻出街.
佢做乜咁鬼鼠呢? 因為我平時唔俾佢入去士多房, 佢hau我出咗去就自己入去, 一聽到我開門咪作賊心虛衝出嚟囉, 又驚我懲罰佢, 佢就即刻由佢個門仔度走出街. 佢真係好蠱惑.