blog不過係說一點瑣事 :)

恭喜發財! 祝各位老友記身體健康, 事事如意.

一年真係好快, 今日又係年初一.

呢度嘅年初一就好似平日咁, 最大唔同就係電話不停. 下午五點幾之後一切都回復平靜. 咁我就自己去松園行下. 本嚟叫埋隻爛貓, 但佢唔睬我, 咁我就呃隻貓仔跟我去. 不過行到一半佢就唔肯行喎, 嘻嘻. 

我唔理佢, 自己快快行落山脚睇下我d西洋菜, 好彩, 重喺度.

嗰度有好多水, 我喺度種西洋菜已經種咗好多年, 但每次都好快唔見咗, 因為俾d羊食晒. 我已經有兩年放棄, 不過今年又試下. 呢d係初初種嘅時候影嘅, 今日見好似大咗小小, 不過隻貓仔唔跟我行, 我就要快d返轉頭帶佢返屋企, 冇影相.