2013年2月7日星期四

臘八蒜?

最近呢一年嘅健康問題令人沮喪,不過我覺得我自己嘅態度算係積極. 有人話乜嘢有幫助, 我自己做得到嘅話我都會試下. 例如咩紅酒浸洋蔥啦, 醋浸蒜頭啦, 我都有做.

洋蔥酒難飲, 但每日一杯仔, 咪當食藥囉, 我都堅持咗好多個月架喇. 有冇效就唔知囉, 總之食唔壞就得啦.

不過d醋蒜就真係唔講得笑, 又話 好似食花生咁啫, 唔難食架. 我咁中意食花生, 咪以為好好食囉. 點知, 嘩, 辣到黐線架! 浸咗幾個月, d醋係好香嘅, 用嚟做西洋菜沙律一流(不過我落得多糖, 我嘅太甜, 唔啱做). 但d蒜頭呢, 就辣到條脷都痛埋. 都唔知點算.

最有趣係, 夏天浸嗰d好正常, 但11 月開始浸嗰d呢, 浸浸下佢就變咗綠色. 好彩我以前見過話一種臘月初八浸嘅蒜, 叫臘八蒜, 到除夕就會變成翡翠咁嘅, 所以先冇以為佢變壞而掉咗佢.

嗱, 就係咁嘅樣嘞:
以前父母在日一過咗聖誕節就好留意幾時係中國新年, 因為要記住打埋電話拜年先瞓覺. 過多兩日又到新年囉.

依家唔舒服嘅時間相當多, 如果新年嘅祝禱係特別靈驗嘅話, 各位老友記請記得祝我身體健康呀! :D 
Posted by at
Labels:

1 則留言:

訂閱： 發佈留言 (Atom)
window.setTimeout(function() { document.body.className = document.body.className.replace('loading', ''); }, 10);