橘越淮而枳?

真係南橘北枳? 梗唔係啦, 呃咗你兩千年囉, 查實兩個唔同屬嚟架. 嗱, 睇下佢哋d葉先啦, 橘係單葉, 枳係複葉嘅.

 枳葉

 橘葉

我無啦啦做乜種棵枳呢? 有古講, 唔係特登種嘅. 

可能枳耐寒粗生啩? 所以有d柑橘類果樹會用佢做嫁接嘅砧木. 我早幾年買嘅一棵青檸, 就係用佢嫁接嘅.

棵青檸第一個冬天就已經凍死咗, 但枳嘅根唔死, 所以佢仍然繼續生存. 到今年已經有花, 如果唔將佢鏟走, 跟住落嚟嘅日子會結果, 根據唔同成熟度採收, 就成為中藥嘅枳實同枳殼, 然後可以開單味藥材舖喇, 哈哈!

 枳花