春秋兩季, 我都會收集園裡面嘅花脫水收藏, 春摘玫瑰, 秋採菊花.
依家係玫瑰季節, 見到顏色就要摘架喇, 玫瑰開咗先摘, 香味會減
用鹽水浸洗, 過清, 然後入脫水機乾透. 依d係新鮮出爐
亦會做一d玫瑰糖, 兩年後變成琥珀色, 氣味清香, 加入甜品伴食一流
去秋收藏嘅菊花. 菊花盛放時香味最濃, 所以開一半至開剩三分一先摘
每當我泡上一杯自己採制嘅玫瑰或者菊花, 加一羹蜜糖, 配一件毫無裝飾, 完全冇化學味, 冇一絲矯揉造作, 樸素到就好似見到我自己一樣嘅自製蛋糕, 享受與世無爭嘅悠然自得嘅時候, 我就會慶幸自己生性淡薄, 縱使流落蠻荒都一樣安之泰然.
喺人漸漸連頭髮式樣顏色都祇可以跟大流, 被同化而不自知嘅現今世界, 我亦慶幸我仍有遠離繁囂嘅一角保存自我, 可以喊到天昏地暗, 亦可以笑到地動山搖, 最重要, 我, 就係我.
我覺得, 祇要你健康, '享受'兩個字, 實在唔需要由人哋嚟定義.
沒有留言:
發佈留言