用種子嚟培育植物, 如果對嗰種植物同埋佢嘅種子唔認識, 會有一定困難. 例如唔知播種期啦, 唔知種子嘅發芽條件啦, 唔識芽苗嘅樣子啦.
我記得我第一次播奇異果嘅時候, 真係唔知點入手. 鬼婆叫我三月播種, 我話點知佢出咗未呢? 佢話生得好快嘅通常都唔係, 慢嘅先係. 哈哈, 真係幾有參考價值架. 穩陣d, 最好就係播多d種子,當你見到有好多相同嘅出現, 咁就多數都會係架喇.
石榴係比較好認嘅, 因為佢嘅子葉唔似大多數種子咁對開, 而係初出時互抱, 然後漸漸鬆開先見到對生. 認住呢個特點, 下次就唔會掹走佢啦.
啱啱鑽出表土時係捲埋嘅
開始鬆開
兩塊子葉相對
石榴嘅嫩葉係紅色嘅, 中間嗰個紅點就係真葉嚟架喇
沒有留言:
發佈留言