無花果

暑假係最忙碌嘅日子, 每日d法國親戚風車咁轉. 今年連香港都會有人嚟, 唔得閒上嚟架喇, 等我盡量貼多幾篇啦.

今夏嘅天氣真係唔識講, 睇下d無花果亂晒龍就知幾唔正常.


呢個品種係黑皮紅肉, 但依家個皮都未黑就已經熟咗

我五個品種佢最大

d果肉都未紅

 呢個本嚟七月初熟, 但因為六月太涼, 佢根本唔夠累積熱量, 所以遲遲唔熟. 但六月尾七月初突然熱到三十幾四十度, d太陽將佢表皮燒到燶, 但裡面係硬嘅, 連雀仔都食唔落

佢應該係綠皮粉紅肉, 呢d燒到變咗黃色嘅已經壞咗, 因為個皮燒死咗, 裡面唔會再熟