報紙話呢d係 '十大港人最喜愛零食' 喎, 乜解究唔啱我嘅? '繽紛樂' 係乜家伙嚟架?
1 卡樂B薯片
2 百力滋
3 M&M
4 甜筒
5 Skittles彩虹糖
6 麥提沙
7 熱浪薯片
8 金莎朱古力
9 魷魚絲
10 繽紛樂
薯片薯條嗰d嘢我冇興趣. 卡樂B我中意蝦條, 不過係限制食品, 好耐都唔俾食一次嘅.
M&M, Skittles 貼錢都唔食, 尤其Skittles, 食咩顏色條脷就係咩顏色, 唔慌好嘢.
金莎麥提沙唔係我杯茶, 要懷舊不如花街, 或者鸚鵡牌拖肥.
甜筒中意, 魷魚絲都中意. 不過零食我都係情願揀陳皮梅相思梅嗰d多d.
65% sweeties, 100% junk foods, ONLY 1 (魷魚絲) 算係中式！
回覆刪除繽紛樂 -- 蕉蕉都唔知，不過 Google 乜都有，原來係名廠嘢......
https://www.google.com.hk/#q=%E7%B9%BD%E7%B4%9B%E6%A8%82
http://www.ferrero.com/products/the-most-famous-products/the-specialities/
哦, 原嚟係佢, kinder我淨係識復活蛋咋.
回覆刪除失覺晒, 原嚟ferrero有咁多嘢嘅.
薯片....熱浪...係唔係卡樂B出? 好似係, 我都喜歡食熱浪, 重口味.
回覆刪除WALKER 既鹽酸味薯片 香港冇, 馬沙無賣WALKER, AS FAR AS I REMEMBER.
有種係STICKS, 不是 片 , 是一條條, 薯條好食, 定薯片?
都好食.
百力滋, 普普, 一條餅, 咁之嘛.
M&M, OK 啦, 有NUTS 好食D.
甜筒, 新鮮就OK, 個WRAPPING 要仍脆, 除左MAGNUM, MAGNUM 太甜, 我覺得.我唔食MAGNUM.
彩虹糖, 唔食既.
MALTESSER, 好似係咁. 食. 以前WALMART 有, 有買來食, 0係香港在百佳見好多, 好親切咁.
金沙...普普, 不如食 莫札特. 來自德國來講, 金莎內層混亂得好甜定點咁.
魷魚絲, OK既.
繽紛樂, 普普, 食平朱古力既QUOTA 比左麥提沙.
我都係唔明點解d細路對百力滋咁瘋狂咁, 又咪餅乾?
回覆刪除麥提莎金莎我唔中意在佢唔似食朱古力, 冇乜質感.
唔傾喇, 夠鐘去物理治療, 要執嘢走人喇.
since when 你要做物理治療? 要做幾耐?
回覆刪除雞蛋仔, 齋燒鵝, 車仔麵....要有呢D野至0岩.
我以前有食齋燒鵝, 係一路食一路想, 係唔係有油益味? 但仍食食食果隻. 睇戲係食呢D野, UA 前既年代, UA 淨係要人食佢賣既野. 今次行百佳, 最後一日時, 見齋燒鵝, 無買, 都有點猶疑.
行過齋鋪, 買麵筋食, 淨食兩種, 食顏色又好, I DONT CARE. 拎到返屋企, 母親問, 無齋叉燒? 我應佢 我唔食果隻, 果隻太好咬口, 會有胃痛可能. 淨揀兩樣.
佢話如果買一盒, 綜合, (我都係一盒, 都係最低消費, 不過我挑兩款之嘛.) 比最少係齋叉燒. 齋叉燒最矜貴.
我真係唔知囉.
我做咗一個月度之嘛, 張紙寫先做20次, 做完睇下點. 我剝牙請咗幾次假, 唔知剩番幾次, 到時物理治療師會講.
刪除我未試過就咁買齋返屋企食, 唔知去邊買, 我媽媽唔興嘛.
講起胃痛我今晚都覺得有少少唔妥咁, 係時候架喇, 一凍就乜都嚟齊. 今朝結霜喇, 正式凍架喇.
係嘞, 你唔係有相咩? 做乜唔貼出嚟俾我哋睇呀?
刪除你返大陸有冇影? 你重有回鄉證咩? 我今次攞咗張回鄉咭, 10年有效期, 唔知下次返去重用唔用得.
D 食齋既地方, 門面係賣呢D野, 叫 齋滷味 掛? 我買果間, 從細食到大, 拜完山就去呢間野食晏, 以前往往係咁, 上次返去, SERVICE好差, 我都無好氣又入去食, 0係門口買盒外賣好啦. (仍係犯賤呀~~~) 嘻. OLD HABITS DIE HARD.
刪除相? 有拖無欠 :P (慢吞吞模式.)
上機前上網預約時間去做既, 係快捷, 方便. 一般好似係12天取證, 我要快證, 6天, 10年有效就600幾蚊, 5年有效就400幾, 一定係要10年啦.
佢都可以快速過關, DUDE 就過果D, 同香港身分證一樣, 都係要先登記, 自然我通通都無, 就要排隊, 都唔耐啦.
我而家明上次MIYA講D人成日玩電話玩IPAD啦, 係呀,香港真係....D人好似比鬼迷咁. 德國無人玩嗎? 無咁多. 無咁迷頭迷腦.
(上述為港燦遊香港見聞)
你講起service, 我真係覺得香港依家d service差咗好多.
回覆刪除講到犯賤, 香港人重犯賤. 有人同我去嘉麗園食麵, ping ling pang lang, 個個伙計都唔會當d客係人嘅, 你就好似入咗去一個機械人嘅地方, 雙筷子啱啱擺低就已經有人收咗去, 門口呢, 一大堆人喺度等位. 你話唔係犯賤係乜? 我就真係唔明, 真係咁好食? 唔食唔得? 跟住有一日又有人叫我去食嘉麗園, 我即刻就多謝唔得閒.
miya話喺大陸唔方便上網.
我想像得到係乜光景. 我又係唔明, 香港咁細, 咁好傾咪約出嚟傾到夠囉, 係要對住個電話. 重有乜都要影相, 食碗麵都要影? 有雙老鼠喺度就話好影啫! 唔明架喇.
呀係嘞, 上次講亦舒, 我點解會問台灣人呢? 唔記得講. 你可能唔識架喇, 以前呢, 有本雜誌叫'姊妹', 比讀者文摘大一圈咁多啦, 咁嗰本雜誌每期個尾尾嗰度都有小說連載嘅, 多數都係亦舒呀依達呀咁. 嗰本雜誌我成日都有個印象係台灣人出版定發行, 定係風格內容好台灣, 所以你講亦舒我就諗你講台灣人.
我上次做回鄉咭好似冇五年選擇嘅喎? 幾多錢唔記得咗, 總之我都係10年, 我家姐幫我上網約時間, 要等攞到身份證先有得做回鄉證, 好似係咁. 淨係屯門有位, 佢哋話中旅社喺八佰伴附近, 我識八佰伴, 去到問人, 有個女仔好好人.
回覆刪除食牛丸既. 咪就係牛丸咁大把. 食左會感動到喊? 一定無佢份啦. D 碎料野.
回覆刪除TVB 咁垃圾都收視長紅, 香港人曉說不? 太細既地方, 住上太多人啦. 結果都係一窩蜂, 膚淺, 憎人富貴厭人窮, 八八卦卦既德性. 都係肥佬黎, TVB 害既. 毒害香港人好多年. STYLE 真係太壞.
識姊妹, 屋企有人買, 順便讀一讀. 依達寫D野幾基, LOOKING BACK, 總係美男被D老女人, 什麼輕薄. 又可能我記錯. 果期既亦舒應係在台北圓山大飯店工作果個ERA, 佢果D稿係比較提到台北, 我中學有個中文老師好愛讀亦舒,我擦佢鞋掛 :) 我都追讀一番, 明周果D又讀姊妹又讀.
回覆刪除星屑醫生話世上有兩種人, 有讀亦舒, 同無.
無咁乜野哇? 讀亦舒又怎樣? 有讀流行書囉. 仍係賣書榜榜首, 真定假? 機場書店係擺佢NUMBER 1.
不過還好, 你話榜首係果D共產黨秘史, 就多謝哂囉. Who bother? 除左mainlander.