原嚟橡樹子甩咗頂帽仔就表示成熟, 可以採收
我覺得佢哋好容易發芽, 所以周圍都可以見到佢d樹苗仔
左邊係生嘅,右邊就係我頭先放入焗爐嗰幾粒
搣開佢係咁嘅樣. 我食過, 冇乜特別好食, 但絕對唔難食
尋日見成地都係d橡樹嘅果實, 咪執d返嚟囉.
我問文食唔食得, 佢話苦嘅唔食得, 甜嘅就食得.
點食架? 佢話好似栗子咁, 可以生食嘅.
我攞個合桃鉗嚟剝, 原嚟佢d皮又薄又焾, 根本唔使鉗, 個鉗亦用唔上嘅.
試下, 唔苦, 但亦唔甜. 咁即是點?
頭先焗麵包, 突然諗起d橡子, 呀, 不如焗下佢睇下點啦.
洗咗幾粒, dum佢入個焗爐度.
啱啱沖好杯茶, bang bang 幾聲好大聲, 嚇到我成個跳起, 即時衝過去關咗個焗爐, 然後定眼一睇, 原嚟幾粒橡子高熱之下個殼爆開, 成粒咁彈起撞向焗爐壁.
係咁咋吓? 驚魂甫定, 即刻係咁笑, 笑到差d透唔到氣.
http://en.wikipedia.org/wiki/Acorn
回覆刪除Acorn 也.
嘩，據呢條 wiki 所載，acorn 有毒噃！
回覆刪除原來栗子都有分甜與苦。呢道唐人街附近有條 Chestnut Street, 有年秋天行經，見一大栗子樹下有好多栗子跌咗落嚟，執幾粒返屋企試，苦嘅！唔食得。這種栗子與以前冬天喺香港街邊賣嘅沙炒良香栗不同，體積大，兩面都平；良香栗細粒，一邊較圓。 唔知D松鼠有冇味覺，識唔識分苦/甜？
好似栗子有分真假, 應係一望就知架. 真係有種要試食至知? 真係唔知.假栗子比豬食, 我另一半小時候去森林執假栗子賺一點錢買糖果食. 定個神父就係比糖果佢地換假栗子. 係教會農莊.
刪除有次從森林執栗子返屋企食, 好N.G. 既栗子, 判不良品.
層衣生到亂哂龍, 生到CUT入D 栗子肉入面, 一剝碎哂, 亦難剝, 不良品.
ACORN ...IBERICO JAMON, 西班牙身價最高火腿, 食好多ACORN嘛, 就有果香, 健康脂肪云云.
你拎條膠紙, 膠杯, 行出街, 搞搞就做出 大好物 架啦. 什麼苦栗子? 走開啦.
我地都有 birch bark, 你做完話我知點.不過可能 花不香, 鳥不語, birch bark 乾爭爭 亦未定. 貴國係出這個嘛. 至於 maple syrup 跟 birch syrup 係不同吧? 應係不同. 相信係不同. 個名都唔同啦.
http://youtu.be/_K5Fn1UM5YM
BTW, 炒良香栗. (良鄉栗)
刪除咁都記得. 好野.
栗子都有苦嘅? 真係唔知喎.
刪除兩面都平會唔係係夾住喺中間嗰粒呢? 如果中間嗰粒都咁大, 咁成個栗子就好大個囉?
松鼠? 我估佢哋最緊要有d嘢咬, XD 個松果佢哋連木質嗰d都食埋, 應該是但咬得入都好好味.
良鄉好近北京, 毛年代嗰陣有個親戚'下放'咗去嗰度. 良鄉栗子甜出名. 我估依家冇喇啩? 咁近北京, 石屎林梗係值錢過栗子林啦. 佢哋中意食雞, 唔會食蛋.
刪除去森林執栗子好浪漫. :) 我哋冇栗子執, 我祇會去執松果. 一支火柴加一個松果就可以透着一爐火.
刪除文話我哋重有兩棵好大棵橡樹喺附近, 但車去唔到, 要行路去搵. 文話佢細個嗰陣有跟奶奶去執橡子俾豬食. 但嗰兩棵唔係軟木橡, d橡子可能係苦嘅. 等我搵一日去探下險都好.
ah, 我要修正一下, d橡子其實係好食嘅, 我先頭祇係用牙咬少少, 淨係知佢苦唔苦, 其實咬大啖d, 係食到佢有香味, 祇不過冇栗子咁甜.
刪除Re : M Man,
回覆刪除栗子係一面平, 一面彎凸, 拱起, 總係咁. 但有兩面都平, 如一個扁身乾瑤柱, 你當係咁. 係咁意思吧.係有咁既栗子.
無隨便一個森林就有, 垮左州, 果度無出名執栗子, 但有次經過, 佢叫鹿什麼, 有個鹿字, 我就想去睇鹿, 無見, 改為執栗子. 反而在屋企外圍果個山有見過鹿, (見隻鹿都大不了, 笑死人.) 係架.
鹿什麼 往後都有去, 果度近海德堡, 海德堡附近有個 UNESCO 景點, 我地去鹿什麼感受UNESCO光環 :)
浪乜鬼漫, 窗外個鐵閘隨手夜晚落左, 第朝結左冰, 唔好拉, 拉斷左條野就唔知點整, 就無得拉, 黑文文, 要等D冰融.
你食過鹿肉未?
刪除結冰可唔可以用熱水或者風筒? 用個可樂樽裝樽滚水, 然後順住窗邊唧落去, 睇下溶唔溶.、
算食過，鹿腸，認真無興趣。
刪除無需要，出太陽之後，慢慢就融，夜晚唔拉低或者， 但總係好順手， 香港應有呢種窗， 好用。
我未食過, 馬同鹿都未食過. 如果見到有我估我都會買嚟試下.
刪除