我終於的起心肝去做曲奇, 亦做咗d 合桃酥.
早幾日做咗一d, 用錯粉, 唧嘅花散晒. 太耐冇做, 幾乎連支唧筒都唔記得點用. :)
我雖然血壓血糖正常, 但偏偏膽固醇就高到得人驚, 報告未經醫生, 本身已經出警告字句. 不過可能因為其他項目d數字靚, 醫生仍然俾我揀, '要唔要食藥?' '唔要'. OK, 俾妳一年時間. 所以我係守緊行為.
不過今日心情靚靚, 我特意特赦自己, 所有曲奇餅食隨意隨量任食. 依家個胃大概有一公斤豬油加牛油.
唔理架喇, 唔放縱下, 容乜易抑鬱架! :)
今次嘅合桃酥餅譜:
( 25g一個, 大約30個份量)
麵粉 400g
糖 170g
豬油 120g
小梳打 3g
水 45g
蛋 半隻, 另半雙掃餅面
165度C, 焗15分鐘
合桃酥，過左火，好似。真係合桃酥？真係，有時間，心情，請寫個食譜出嚟，唔該，但唔係真係合核酥，同係用豬油， 就唔需要。k唔食豬，唔關我事。
回覆刪除traditional 果種有趣，糕定包，好多乾果果種。
咁你食埋呢次餅，都要戒口，要食藥就煩。年紀漸大，就會注意到什麼糖尿，高血壓，自己未有，都見人有，難怪有d人會戀童，淨係遠離真相都好 :)
啱啱返到屋企, 聽日先傾.
刪除晚安
冇過火呀, 放心. 係d合桃冇脫衣, 又掃咗雞蛋, 加埋d顏色深咗, 冇事.
刪除用豬油嘅, 係真合桃酥, 淨係冇臭粉.
你有做嗰種雜果糕呀? 要先發酵係咪呀? 我都有興趣食呀, 不過未做過. 你哋好似多呢d嘢? 我中意一種係意大利嘅, d粉比較輕身同埋乾. 通常如果蛋糕我唔中意乾, 但佢都唔知算包定糕, 學你話齋.
係呀係呀, 我會戒口架喇, 我今日唔食, 聽日最多食三個啦. ;p
驚架, 我識驚架, 我成日都係咁話, 死得冇所謂, 死唔去就真係累街坊架.
咁我可以面對真相嘅, 冇所謂啦, 個個都咁嘅啫. :)
食譜我等陣喺出面編輯啦.
係你做過，睇過你貼相，德國無果隻哇?一般係stollen ，咁 stollen 同貴國果種有無少少似? 勉強都說得過嘅。
刪除豬油就不用 po 食譜。thanks anyway.
我在另一種餅食中找到合桃酥感覺。算有代替品。果種都成為左我嘅 comfort food。