話咁快又一年.
回想同各位老友記結緣, 唔經唔覺都已經十年八載囉.
banana, Kitty, miya, oswald, sam, Tony, 白田先生, 想各位皆飽學之士, 學貫中西亦見多識廣, 各有擅長, 竟不嫌文太呢種平庸主婦嘅淺陋, 令我常懷感恩之心.
借呢個機會, 我想多謝蕉蕉時常都俾我好多醫學上嘅專業意見. 好耐之前, 已經唔記得係我抱怨乜嘢不適, 不常露面嘅蕉蕉亦及時提醒我同不適可能有關而有嚴重後果嘅病症, 着我去見醫生, 關切之情令我銘感. 對於我嚟講, 呢份心比專業意見更可貴.
喺我飽受蕁蔴疹之苦嘅時候, oswald亦曾特意寄偏方俾我, 非常多謝佢. 不過多時唔見佢出文, 如果祇係想休息, 咁我祝佢身心康泰; 但假如係因為我言語間有所冒犯, 就請原諒無心之失啦.
好喇, 還有半日, 香港就踏入馬年喇, 雖然冇爆竹, 冇桃符, 時光依然流轉, 春臨萬象更新. 我先同各位老友記拜個早年, 恭祝各位
身體健康, 平安快樂!
恭喜 恭喜 恭喜文太及各位網友大哥大姐
回覆刪除龍馬精神 萬事如意！
呵呵！新年跑馬仔，老友杯打比大賽，路遙知馬力，
照理應該係由 實力大熱頭馬森哥仔勝出，誰知班主造馬，
結果竟以馬名序排列！看來蕉要諗吓 好唔好易名為apple？
話時話，森哥仔近排失咗踪？
"好多醫學上嘅專業意見"?! LOL !! 文太咁幽默，睇得費玉清同馬哈密多？
隻蕉間唔中睇埋D"醫生與你"之類嘅電視節目，唔止自己成日疑神疑鬼，
仲庸人他擾。 自問最專業嘅意見，就係叫文太去花地馬 求神靈治病噢！
原來文太所指係英國印裔名廚？ 馬哈密 vs 毛哈密，一字之差，google下
得已故伊朗末代沙皇巴列維，所以莫名其妙。 蕉嘅cable tv pkg. 好似無包
Food Network, 又可能 馬哈密只係在歐洲出名。 講到celebrity chefs, 井底蕉
只知現時有D過氣嘅甄文達，&主持過港產飲食節目嘅 幟哥、周中、肥滔....
多謝蕉蕉, 都祝妳身體健康, 青春常駐.
刪除所謂淘之汰之, 金子在後嘛, :) 排後又點會分量輕呢? 文太珍惜每一位老友記, 所以用字母排序以示不分先後. 不過都係漏咗tony, sorry, 等陣補番.
唔好講他擾, 多謝都嚟唔切.
哎呀, 原嚟 reza mahammard 先生係名厨嚟架, 真係對唔住, 我連人哋個名都求其亂串添, 等陣改番好佢啦. 我唔識架, 不過見我睇得開心, 所以文每次見到有佢份就叫我睇咋.
睇food network要俾錢嘅咩? 我唔知呀, 係文揀架咋. 妳講到甄文達, 聖誕節嗰陣都喺food network見到佢, 同廿幾年前冇乜分別.
Re : Banana,
回覆刪除我唔會再對這個地方有任何貢獻，U TAKE CARE。
其實我好憎你咁叫我，仔? (想吐，是害喜吧?你說) 我又好憎你咁去回應一些互動，例如你問GRAVITY點?我答你好睇，可以，要入戲院睇，你就唔會之後答我，其實都係無去睇，WHATEVER，不應引起別人好奇心而不顧而去。知無?
雖然管理好奇心是我滿熱忱嘅事。我才沒好氣困惑，我都會立即止蝕。
文太，唔該把我STATUS降GRADE，無付出，就無權利，就唔應該收到ALERT，天下無不散之宴客，在此拜別，祝大家生活愉快。
畢竟咁多年, sam 意興闌珊我理解, 我自己時時喺度重複d話題都覺得糟質讀者對眼. 不過如果sam因為我言辭不慎而感覺不快, 我會好唔安樂, 希望你唔好介意.
刪除檔案會隨其自然地存在. sam你有興緻就寫兩句, 冇就忽略佢, 冇所謂.
請各位老友記各適其適啦
無，有都係我自己性格燥動嘅關係，你無需要花時間想甚麼。
刪除咁我無其他事，告退。
多謝。