個義和團睇怕又會口水一堆囉

隔 牆 有 耳 ： 陳 克 勤 O 嘴 　 譚 耀 宗 幫 「 搓 」 　 海 軍 救 水 兵


民 建 聯 主 席 譚 耀 宗 噚 日 帶 埋 立 法 會 新 丁 議 員 陳 克 勤 去 見 食 衞 局 局 長 周 一 嶽 ， 跟 進 呢 期 最 熱 毒 奶 事 件 ， 開 完 會 出 向 在 場 十 幾 個 記 者 講 番 會 面 結 果 。 有 記 者 叫 陳 克 勤 用 英 文 再 講 一 次 ， 曾 經 話 會 「 搓 my breast 」 改 進 英 文 佢 竟 然 冇 兌 現 承 諾 ， O 嘴 dead air 幾 秒 鐘 ， 譚 Sir 見 勢 色 唔 對 即 刻 出 手 幫 拖 ， 上 演 一 幕 海 軍 救 水 兵 ， 義 氣 搭 夠 。
面 對 英 文 提 問 ─ ─ 呆 ！
譚 耀 宗 同 陳 克 勤 晏 晝 4 點 幾 見 完 周 一 嶽 ， 美 利 大 廈 樓 下 見 記 者 。 譚 Sir 首 先 話 要 求 政 府 加 強 立 法 規 管 食 物 安 全 ， 之 後 就 交 波 畀 陳 克 勤 ， 講 化 驗 同 奶 粉 供 應 。 兩 人 講 完 就 到 記 者 問 ， 所 有 咪 同 錄 音 筆 都 對 正 陳 克 勤 ， 有 記 者 率 先 發 問 "Mr Chan, could you repeat briefly in English?"現 場 即 時 鴉 雀 無 聲 ， 陳 克 勤 眼 望 記 者 ， 保 持 笑 容 ， 譚 耀 宗 同 一 眾 行 家 十 幾 對 眼 一 齊 望 實 陳 克 勤 ， 等 佢 開 口 。 空 氣 好 似 凝 固 三 、 四 秒 ， 陳 克 勤 同 譚 耀 宗 你 眼 望 我 眼 ， 結 果 譚 Sir 開 腔 "um... the... We have meet the... um... Mr... Dr 周 一 嶽 , and then we talking about to amend the relevant law... and then to have more power to the director of environment... to have reasonable... um..."
出 口 提 點 主 席 ─ ─ 醒 晒 ！
譚 Sir 想 講 話 容 許 食 環 署 署 長 有 合 理 懷 疑 下 ， 可 飭 令 供 應 商 回 收 食 品 ， 點 知 好 似 一 下 子 諗 唔 起 「 懷 疑 」 英 文 點 講 ， 此 時 陳 克 勤 突 然 醒 目 仔 上 身 ， 出 口 相 助 ， 吐 出 "reasonable doubt" 兩 字 。 譚 Sir 即 刻 接 埋 落 去 "reasonable doubt to resume all the product..."之 後 記 者 繼 續 以 英 文 發 問 ， 但 每 次 都 係 由 譚 Sir 回 答 ， 陳 克 勤 只 係 默 默 咁 企 隔 籬 ， 好 留 心 咁 聽 。 譚 Sir 真 係 唔 話 得 ， 雖 然 自 己 英 文 唔 算 好 ， 但 為 陳 克 勤 唔 好 再 熱 爆 YouTube ， 不 惜 為 佢 擋 晒 英 文 提 問 ， 真 係 有 「 擋 主 席 」 風 範 。 陳 克 勤 下 次 又 唔 知 會 唔 會 try his best ， 用 英 文 答 問 題 呢 ？ 話 晒 佢 都 掛 住 民 建 聯 明 日 之 星 個 名 ， 點 可 以 要 人 幫 拖 。

來自今日蘋果日報.