嗱, 唔係我野蠻, 有事實俾你睇. 嗰個人剪嗰陣剪得好快, 我見佢咁熟手就好有信心. 點知剪完之後我一睇, 唔掂, 佢根本都冇睇住成棵樹去剪平衡佢, 棵棵都係偏埋一邊嘅. 到出葉嘅時候就重死火, 原嚟佢唔睇剪口芽方向嘅, d葉一出嚟, 生延長枝, 成棵樹勢睇到, 一個字, 亂! 睇下呢棵咁亂糟糟, 冇到主枝, 冇到層次嘅桃樹, 大把下垂枝, 係咪睇見都煩?
睇下我點修理佢, 要將剪歪咗嘅樹形逐漸矯正
任何一個角度睇都平衡, 而且有明顯主枝, 有層次
我叫文睇, 問佢重敢唔敢話我唔識! 依家未見功夫, 到出年今日, 佢可以見到棵樹會生成點. 呀, 最後張相右下面嗰條新枝應該剪走, 不過我留番做實驗.
任何一個角度睇都平衡, 而且有明顯主枝, 有層次
我叫文睇, 問佢重敢唔敢話我唔識! 依家未見功夫, 到出年今日, 佢可以見到棵樹會生成點. 呀, 最後張相右下面嗰條新枝應該剪走, 不過我留番做實驗.
可能文生應酬個人呢, 年年叫佢做.... (咁做得唔好又做 ? ) 有時係架. 禮貌定乜. 明明人地個仔女, 好令人煩厭, 你唔會講既, 仍會講, 哈哈, 好得意呀. 咁. 講完自己係有D 覺得自己假.
回覆刪除你自己做, 我估幾多棵樹, 咪幾辛苦? 你有心做緊好過人. 果個人作品又亂七八糟 D 既.
就唔係囉. 佢上次去搵嗰個人, 搵咗好多次, 親身去都去咗兩次, 一次冇人, 一次佢老婆喺度, 話得喇得喇咁, 話低叫佢回個電話都冇回, 好難求咁架. 如果佢真係做得好, 咁梗係去囈佢啦, 但唔係, 咁囈嚟做乜啫!
回覆刪除我大概有56, 57棵果樹, 但唔係全部都要剪, 又唔係全部都咁大棵, 而且我諗住同一個果熟期嘅樹分兩年剪, 咁唔會一齊冇果又一齊多果. 咁即是都唔係好多. 唔係趕工俾人, 可以慢慢做.
最大問題反而係落雨, 尋日上午冇雨, 但唔得閒做嘢. 下午雨毛毛咁. 今日又落大雨.