2009年3月22日星期日

梨花兩種

呢棵梨樹種喺後院, 好早已經種咗, 可惜被風吹斷咗, 斷到差不多貼地. 之後諗住種過一棵, 但一直都諗唔到買乜好, 就丟低咗. 點知佢喺斷剩嗰少少殘枝上出咗一棵樹仔出嚟, 我因為唔知佢係嫁接口之上定之下, 就冇心去理佢, 由得佢自己生, 今年, 竟然開起花上嚟. 睇下佢d果係乜啦. 如果d果唔好, 即是係嫁接口之下, 由砧木生出, 冇用架喇, 就一定要重種. 如果d果好, 就可能係接條生出, 咁就可以保留嘞. 係就好啦.


呢d係果園嗰棵嘅花, 幾靚. 不過d果我都唔係好滿意架, 佢個果心太大. 不過佢勝在d果亦夠大, 呢樣我中意.

Posted by at
Labels:

16 則留言:

  1. sam2009年3月23日 上午7:12

    http://www.hkreporter.com/talks/thread-747515-1-1.html

    我睇左第一節. 佢又係潮州人呀 ? 頂. 潮州人既煩人都係不少.

    近來我地重播 Die Machtgreifung 係講希特勒奪權既紀錄片, 三集好似. 重複地, 佢早期整治, 整死共產黨人, 係....好出神入化. 一想到西安事變就.... 不是味兒.

    又望下呢個程先生, 我只可以講, 我深痛惡絕佢既被虐情意結. 既然早早已去中國大陸, 重唔知遺害大到好大? 我睇下張愛玲, 老舍, 呢D 人係49 年前既人, 49 年後既人係乜野樣? 唔關共慘黨事關邊個事? 我唔可能有半分肯定 49 年發生既事. 係, 係果D 人共同意志. 不過我永遠唔會予以肯定, 係大禍臨頭, 係禍延子孫就真. 何喜之有? 姓程果個正一.....(一堆粗口) 講完. 晚安.

    回覆刪除
  2. sam2009年3月23日 下午8:13

    睇完. 佢要求一定要有政治改革去制衡. 咁我想又推前少少, 問佢, 咁推反好唔好呢?
    今本係緣木求魚. 春秋大夢 ! 係, 我知.
    不過佢都未衰得哂, 都均真, 講土地加減果D. 中國地大物不博囉. 發瘋咁要石油. 當佢係因為咁而蝕章計.

    回覆刪除
  3. M Man2009年3月23日 下午9:56

    我一直對呢個人同佢單case一d興趣都冇, 人哋內部權爭, 你唔好彩, 被人開刀示警, 有乜好講? 又冇乜辦法? 所以我並冇乜嘢憤怒呀同情呀, 冇.
    但佢呢個節目又反而俾我一d幾好嘅印象, 佢起碼講得到一d問題嘅根本.
    政治改革? 哈哈, 共產黨專政 寫咗落憲法架, 點改都係一黨專政, 除非修憲.
    我最唔明係點解要割地, 唔係話大慶油田喺黑龍江上面嘅咩? 有油都送俾人呀? 咁台灣又咁緊張做乜?

    回覆刪除
  4. Kitty2009年3月24日 下午8:46

    本來外面講花，怎知進來看看又是另一個世界。那個節目我只在電視上看了幾個畫面，接不上你們的話題。近來有太多小說和電影想看，無暇上網再看該節目。Sam講起張愛玲，你有看《小圖圓》嗎？想不到該書出版後，台灣和大陸的文化圈都熱烈甚至激烈爭辯，有些甚至到了人身攻擊的地步，不知算否偶像崇拜惹的禍呢？

    回覆刪除
  5. sam2009年3月25日 上午12:11

    Re : Mrs Man,

    台灣好嘛, 咪要攞人返屋企. 鄰居閏女好靚, 佢就要攞人.係咁心思. 係十分章回小說內既惡霸心思既. (我有病? 咁想人.) 唔, 我自覺看透呢D 人.當係有色眼鏡亦好.我承認.

    回覆刪除
  6. sam2009年3月25日 上午12:40

    Re : Kitty,

    我已讀完 小團圓 , 但你講既人身攻擊我唔知. 我想係兩個Issue 掛? 一係出版這個有無違背 Eileen Chang 既意願. 二係.... 佢係淫婦 ? 可能比人咁話佢.

    一係無話可說, 我有私心, 任何人問讀者想唔想睇? 想.
    即使係違背左 ? 我覺得我要D 時間去冷靜想一想. 但我估 宋淇 (個爸爸) 要保護 Eileen. 出於保護, 就Hold 住. 佢本人好似係唔太...咩既. 因為一寫完, 寄比 Mr and Mrs 宋,問佢地意見, 如果當時佢地話, 好呀! 出得. 咁應該就出版左.
    可能我心思簡單.又可能係都要說服自己佢唔係好堅持消毀既. 咁我就讀得開開心心. 可能我潛意識想咁. 唔知.
    Hold 住左, 主要都唔係胡蘭成, 我認為. 係入面既 性. 如果有人因此而認為佢好Cheap ...瘋言瘋語, 我緊係覺得好膚淺. 佢係一個人. 甚至係一個唔世故既人. 就係咁.
    有時講張愛玲晚年潦倒, 什麼什麼, 我會閃避唔睇, 因為之前有一個寫專欄, 我識佢, 在街如果見都會打招呼. 佢講張愛玲一D 野. 我想到佢本人成隻豬咁既樣. 就想.... 叫佢去死. 結果我都唔睇佢專欄. 佢反正就係涼薄.

    張迷是否傻傻地? 我懷疑係. 睇我自己都有D.

    回覆刪除
  7. Kitty2009年3月25日 下午5:37

    《小團圓》的性是寫得很大膽露骨，特別是在中文世界中。不過，性描寫在小說中只佔小部份，如果要對號入座，把九莉看作是張愛玲本人的話，張是個敢愛敢恨的人，也是她自我成長的自白，由迷戀胡蘭成的文筆，不顧一切的愛，到後來看穿了胡華麗的包裝，以及到處留情的自私，甚至曾動過殺機，又寫自己曾墮胎。這種自剖、自我成長的寫法，在西方文學很普遍，但在中文小說中則從未出現過。李歐梵也肯定這點。南方朔也認為小說有社會價值。所以這本小說能否把張愛玲的文學成就推上更高峰，也是未知之數。

    回覆刪除
  8. Kitty2009年3月25日 下午7:14

    有關《小團圓》出版的論爭，張小虹的批評是我目前看到最嚴厲、也最野蠻的一個，不看書卻東扯西扯地抨擊出版社和宋以朗。
    http://www.liberal-forum.hk/viewthread.php?tid=5066&extra=page%3D1

    回覆刪除
  9. sam2009年3月26日 上午5:52

    張小虹 講得多左, 一開始就講到人好有機心埋佢身咁, ...一個人死在LA 無人知幾日, 都唔關事. 扯埋果D 野無意義.
    不過有一樣係有道理. 呢個版本係張愛玲本人...猶豫不決, 叫唔出. 可以咁講. 呢樣張小虹都通.
    只有宋先生自己知, 佢在前言引既書信, 要成個Archive 睇, 佢可以收埋一D, 係有疑問. 佢把自己比作Max Brod 出版卡夫卡作品. 我保留. (這個讀前言)卡夫卡又唔係去墮胎. 可能我石頭腦袋. 唔止墮胎, 還有其他, 係痛既. 痛既野係最好最好有佢批准. (唉~~~)
    好複雜既情懷. 宋先生貪錢. 可能. 唔排除. 但自 色 戒 後, 要利用個勢去比張愛玲應得榮耀, 這個係常情, 我都同意. 但亦會覺得佢都死左, 骨灰都撒落太平洋, 佢本人可能唔在乎. 咁不如一把火燒左佢, 知來做乜 ? 係, 這個亦係.

    而家既人唔係佢果時D 人咁古老石山, 果D 章節唔構成什麼對佢人格傷害, 都係可以講慰藉佢讀者. 佢原來都有把讀者放在心中.
    都當 OK.

    (又自圓其說. excuse me.) :P

    回覆刪除
  10. M Man2009年3月26日 下午7:39

    雖然我從未睇過張愛玲, 但睇你哋講得咁熱鬧真係好吸引.

    Kitty引嘅文章我冇睇晒, 太長, 呢幾日有d感冒更加冇心機睇.

    不過我覺得呢本書到依家至出版, 違反當事人心願肯定係有嘅. 否則出版人又使乜咁掙扎? 使乜咁多年之後先去出? 係咪為錢就好難講, 要佢自己至知. 但肯定係有利嘅事先會做. 名又好錢又好.

    又不過, 張愛玲冇後代(?), 就冇乜所謂, sam話齋, 人死咗, 咩聲譽都唔需要面對, 冇乜所謂.

    我冇睇過本書, 當然冇得評論. 但如果祇係話張墮過胎, 我又唔認為有乜問題, 呢d好多人都做過, 張都係女人, 做乜對佢要有更高嘅道德要求? 而且我相信做乜都總有當事人嘅理由, 尤其係消除一個生命, 肯定係好不得已嘅決定.

    回覆刪除
  11. sam2009年3月27日 上午5:00

    有感冒要休息啦.

    張愛玲自己同弟弟都冇下一代. 女人好善變. 佢唔把小團圓 同 對照記一齊出, 係怕太厚. 天知道 ? 係, 傾向自圓其說.

    都唔止墮胎. 有其他突兀. 好似大部份港, 台文化人都係寵佢. 其實無甚道德要求掛? 佢幾 pushing the envelope. 有突破.

    英蓮, 甄士隱女兒, 應憐. (紅樓夢魘 講既)你晨早知? I see. 因士隱, 假語穿 果D 大路知. 英蓮 唔知.

    唐英年. 無人寫應憐. 好少人睇呢D 野, 似乎.

    某日讀生果報, 中國有小朋友, 好似八歲, 已讀完水滸, 西遊, 三國.我心諗獨遺 石頭記 ! 我估係張愛玲就有咁既可能性. 好難. 細路仔唔會明.

    回覆刪除
  12. Kitty2009年3月27日 下午7:03

    文太：感冒之時，最緊要喝水和休息。

    現時大陸和台灣都常有人聲稱小學時已看畢水滸傳、紅樓夢等，但我懷疑他們看的只是少年版或漫畫版之類，不是原版。

    說回張愛玲，我想愈了解她生平多一點，說不定更會同情和體諒她，重看她的小說，或許會有不同的看法。

    回覆刪除
  13. M Man2009年3月30日 下午8:43

    多謝sam & Kitty. 其實都冇乜嘢, 人老咗係咁架喇.
    我哋d天氣都係玩死人啦, 早排好似夏天咁, 呢幾日又大風又凍. 尋晚鼻塞塞醒咗我三次, 好似細路仔咁, 透唔到氣發猛憎發醒咗, 嘻嘻.

    我認為就算有資質嘅小朋友, 你可以教佢識晒成套書嘅字, 可以大致知道個故事內容, 但, sam講得啱, 佢哋係唔會明本書講乜. 其實就算我一把年紀, 每次翻睇一d章節, 都有唔同嘅理解同領悟, 係逐步明白. 所以即使唔係kitty講嘅公仔書, 佢哋都唔係真正讀懂咗. 我覺得唔好去標榜讀咗幾多本名著好d.
    當然, 呢d書係重要嘅文化代表, 俾細路早d去接觸總好過唔俾.

    回覆刪除
  14. Kitty2009年4月8日 下午8:07

    Sam,
    下面是李歐梵談張愛玲及《小團圓》
    http://www.rthk.org.hk/asx/rthk/radio5/worldbook/20090328.asx

    其實內容並不是港台製作的，是先前亞洲週刊與港大合辦的論壇，除了李歐梵，還有陳子善及南方朔，但港台只輯錄了李歐梵的內容。我有當天的全部錄音內容，若你有興趣，可以放上來給你。

    文太可以不理我們。

    回覆刪除
  15. sam2009年4月9日 上午4:44

    Re : Kitty,

    好, 錄音內容, 如果唔麻煩. 唔該.
    聽左. 李歐梵講有兩把聲音. 第3 身, 但又有把世故聲音, 係. 呢樣佢好似在 色 戒 已有提及. 我覺得張愛玲無野心去超越之前作品, 佢只係講佢既版本. 相對胡蘭成 今生今世. 但果部份都只係一部份, 係Recall 佢屋企多D. 人老左, 睇往日既事.

    燕山= 導演桑弧(資料見下面LINK). D 網上討論講. 而在電車上對佢色迷迷係一個柯姓作家. 呢個唔知, 不過好快會見全名.
    http://www.cns.hk:89/zxys/yingren/sanghu.htm

    thank you very much.

    回覆刪除
  16. M Man2009年4月10日 上午1:13

    我雖然唔係好明你哋講乜, 但又想八下吖嘛. :D

    呢篇已經去咗第二頁咁唔方便, 不如開過一題喺首頁講啦.

    回覆刪除

訂閱： 發佈留言 (Atom)
window.setTimeout(function() { document.body.className = document.body.className.replace('loading', ''); }, 10);