2010年7月21日星期三

蛋卷

一向都中意食蛋卷, 懷念挨住梳化攬住成罐蛋卷一邊食一邊睇電視嘅放肆.

喺呢度我都好多次買蛋卷咁樣嘅物體嚟食, 但每次都係失望嘅, 根本就唔係蛋卷.

今次返香港一於買個蛋卷夾返嚟自己做.

呢個係早前我自己亂嚟嘅配方, 竟然味道口感都唔錯. 不過第一次做, 時間未掌握得好, 所以顏色唔均勻, 希望以後可以熟而生巧.

Posted by at
Labels:

4 則留言:

  1. sam2010年7月21日 下午10:25

    WOW. 又要加個什麼插頭. 英國制同我地唔同.
    什麼是好蛋卷定義??
    一咬碎到周圍果D..... 太煩啦.
    果D 先好野定我唔識野?
    我都怕MESSY 食物. 連食街邊, 如果會整烏糟條街, 心底裡, 我好唔中意.
    收哂檔重成個印果D 我唔中意.
    收左檔會去洗乾淨地下, 就OK. 住得呢度耐, 唔中意烏糟.
    我上次返去好似西鐵未完工. 香港呢D 野都幾有效率, 都算話起就起出0黎.
    不過條HIGH SPEED RAIL一定係笑話來架.
    無可能20 KM 有條可以行300 KM 既HIGH SPEED RAIL. 耐人尋味, 不過佢係不停站既, 係香港, THE NEXT STOP .... 東莞樟木頭, 假設, 咁就笑少D 既. 你話香港, 深圳, 哈哈.
    呢D 咁既新發財國家, 又加個吸血鬼守財奴婢香港政府, 果D 老土, 就係老土囉.
    不過香港人都係唔講多囉, 難委D 80 後, 要好委曲求全咁.

    回覆刪除
  2. M Man2010年7月22日 下午4:58

    唔係呀, 唔用電架, 用真火架!

    係呀, 好食嘅蛋卷係唔得喺街度食架, 喺屋企食都好狼狽啦, 要食得企理幾高難度嘅.

    點樣叫好食? 各人口感喜好都唔同, 啱自己口味就係好囉. 我自己就中意鬆脆, 蜂窩嗰隻唔錯. 等我個心靜d就諗下點整.

    就因為條高鐵係完全唔合常理, 所以你又點怪得人哋用陰謀論嚟猜測呢? 短距離, 未加速就要停車, 係唔合理嘅一方面; 超高嘅造價係另一方面, d錢究竟去邊? 幾多人受益亦總唔能夠唔考慮啩? 呢d係納稅人嘅錢噃, 你有錢佬攞出嚟討好邊個, 鬼理得你咩! 依家咪成日都有報導話大陸嗰d開通咗都冇人搭囉, 香港遲早連資訊流通都要禁, 唔係嘅話, 呢d唔見得光嘅嘢好容易通天, d人遲早作反.

    回覆刪除
  3. sam2010年7月23日 下午6:34

    I SEE. 即係鐵板一塊 :) OOOOPS. 兩塊, 有個COVER 既, 壓落去, 你用一枝野去捲.

    蜂窩... I SEE. 上面鉅記咪蛋卷囉, 豬油糕, 係唔係叫豬油糕呢? ANYWAY, 有腰果糖....三千年開花, 結果果D 係OUT 哂架啦. 曾經騙倒小朋友相信有樣野好神仙, 三仙年開花..... 係既, 我果時可能要驗腦. 我好中意研究個盒仔. 好低B.

    好似話有澳門人發起反香港人CAMPAIGN. 香港人緊係WEEKEND 去煩到澳門人啦.

    澳門人係唔係白鴿眼左D 呢?? 又唔去反大陸人, 台灣人?

    ITS KIND OF LIKE 蘇絲黃個煩人去澳門食, 香港又跟住, 食貴左人地D 野. WHATEVER.

    咁又好似憎得有D 道理 :P

    回覆刪除
  4. M Man2010年7月24日 下午6:36

    係嘞, 就係兩塊鐵板嗰隻嘞, 我等陣影俾你睇. 要買埋支不鏽鋼通嚟捲, 上海街嗰d鋪一齊有得買.

    哈哈, 你講嗰d好開心呀, 三千年開花三千年結果, 我細個時中意食架, 依家唔知有冇.

    豬油糕, 南棗糕, 好多呢d, 細個時, 有合桃, 有欖仁, 我重試過食到煮燶咗嘅糖添呀. 係喎, 我今次醒唔起去買嚟食喎!

    細個時動作慢, 大人會話我哋豬油糕, 依家細路可能連豬油糕都未見過, 以為真係一舊豬油膏, 哈哈!

    反香港人唔多唔少都出於以往受白眼(佢哋自己自卑地認為係白眼), 妒忌, 幾百樣理由, 依家覺得你香港人都有今日, 終於出到啖氣, 咁囉, 好易理解.

    香港人有冇嗰d懶高人一等嗰種衰人? 有, 梗係有啦. 唔反台灣人, 唔反大陸人, 因為佢哋好呃, 香港人唔好呃. 係咪可以咁解釋呢?

    回覆刪除

訂閱： 發佈留言 (Atom)
window.setTimeout(function() { document.body.className = document.body.className.replace('loading', ''); }, 10);