大陸有富豪身懐巨款, 飛去對面海打救貧苦.
難免有人會話菩薩心腸, 連隔離屋隻雞都照顧埋; 有人會話風水輪流轉, 認真吐氣揚眉. 總之鏡頭所見唔係富豪手中大把嘅鈔票, 就係富豪身前屈膝嘅可憐人...
雖然開講有話善欲人知並非真善, 惡恐人見便是大惡. 但其實我對於沽名釣譽嘅嘢一向覺得冇乜所謂, 有錢佬行善舉又好, 老賊之流搞民主也罷, 總之個結果出嚟幫到某d人或者對社會有益, 都叫做好事, 各有所得, 實在冇乜所謂.
有趣嘅係, 富豪嘅祖家幼冇書讀, 老冇人養, 撞口撞面大把要人幫嘅人, 佢做乜唔天時地利人和咁留喺屋企幫人, 要漂洋過海勞師動眾咁呢呵? 唔係祖家嗰d唔使幫, 唔抵幫, 唔俾幫啩? 費解.
陳光標? 邊有咁好死? 轉頭唔賺? 佢派得好核突. D 人又比哂反應, 都好無眼睇.係既, 大陸大把窮人, 去救自家先啦.
回覆刪除台灣人係既, 比咪收囉. 不過好似在野在罵馬英9, 咁又各安其份.
但如果國民黨HANDLE 唔到台灣經濟, 咁民進黨就更唔使諗. 從之前8 年睇, 可能綠營係有限制, 大陸政策上失利, 不過唔講呢樣, 佢經濟想法係乜? 唔知囉, 無多留意.
我地傳統認為CDU /CSU 基民黨 比SPD 社民黨懂經濟. 前者張經濟有說服力D.
台灣兩黨都好似會係咁. 就係懂經濟就係果個黨. 不過如果到咁上下要趕國民黨走, 都利用完. 又要用綠黨去阻隔, 那管幾有皮無骨, 都要加以運用.
賺唔賺姑且唔理, 但確實做得好難睇.
回覆刪除做善事, 有人係誠心幫人, 有人為名, 有人為利, 有人為積福... 目的好多種. 佢係咪有心幫人, 係咪為利, 呢d都唔知. 但為名就好明顯囉. 如果佢為積福, 就真係要做過, 又跪又喊, 咩不幸都揚晒出嚟, 咁嘅做法未幫到就已經傷咗先, 唔好.
最好笑有人即刻匿名拎一千萬現金去有關部門, 叫佢哋幫有需要嘅人. 教佢點做人呀, 哈哈!
台灣依家咁咪幾好囉, 得一個黨嘅話, 唱黑白臉都冇人戥脚啦.