2011年2月17日星期四

你係香港人, 唔難過?

仔細聽下佢哋計數, 收入幾多, d錢點分配, 每日需要使幾多錢... 你會發覺你平日覺得自己好慳, 但其實同佢哋嘅慳唔係同一回事.

聽田北辰講嘢, 似乎佢真係生活咗呢兩日, 係有觸動嘅, 亦講得出問題嘅重心.

睇最尾尾, 陪佢做嘢嗰個, 雙手握住田一隻手. 好明顯呢種感情付出係唔平等, 低下階層嘅人好純樸, 好易感動, 好一厢情願.

我睇完係... 好難過.




Posted by at
Labels:

2 則留言:

  1. sam2011年2月17日 下午8:52

    你未去過籠屋. 某段時期都要去籠屋. 佢住果間係算係好D. 佢無聊去睇果間, 廁所頂有一格果D, 係咁. 果D 係我見過既籠屋既模樣.
    長年一JUMP 酸餿味.
    希望佢地真係比D 決心解決呢個問題. 以前香港好多木屋, 咁木屋問題, 可能因為難睇, 又無左. (地產霸權呢? 比你木屋? ) 係.
    D 野眼不見為淨. 唔理.
    星屑醫生係EUROPEAN MINDSET 係咪? 睇問題係要睇埋SOCIAL COST, 唔係你自己好就足夠, 呢D 係富裕EUROPEAN 既想法. 佢有這樣大方, 香港政府有個陰謀係咪? CANT DO 定WONT DO?係WONT DO. 為WONT DO? 要你香港人無乜咁得戚, 巴屎閉, 無哂鬥志, 成日要仰大陸佬鼻息, 感恩戴德, 感激流涕, 要咁. HIDDEN AGEDNA 係咁.
    班港奸做乜死要攬住D 錢? 因為開開心心就唔係小媳婦相, 咁開心做乜?? 咁去取悅阿爺.都好難做架. 一陣多人上街又添煩添亂. 挑, 又要作愁雲慘霧狀, 又要D人唔上街, 都係賊佬試砂煲架咋, 不過香港人好好蝦, 都無幾多次50 萬人. 果次沙士完, 死得人多, 怨氣重.
    而家無野既, 香港人係好好HUB 既.

    回覆刪除
  2. M Man2011年2月18日 上午2:18

    我確係未見過籠屋, 我冇睇過 '籠民' 嗰部電影. 但個名我係聽過嘅.

    如果有一個家庭, 可以喺屋企煮飯食, 或者花費會細d, 亦有益d. 但係香港人, 佢哋真係冇家庭生活, 屋企嘅意義差不多就係瞓覺嘅地方. 放假唔會喺屋企過, 一定係瞓到好晏然後去飯茶, 行街, 食飯, 消譴... 半夜三更先返屋企. 好冇意思.

    好似片中個伯伯咁, 3,700蚊, 用1,300租個房, 剩番2,400, 分開80蚊一日, 如果要睇醫生點算呢? 十幾年前睇一次醫生都要250蚊, 依家唔會平咗啩?

    我覺得d地產商係抵俾人仇視, 做人做乜要做得咁盡呢? 以前嘅人厚道好多, 有良心好多. 以前d人做善事最多當贖罪又好積福又好, 依家d人連做善事都係為咗換取更多.

    佢哋重未有報應. 但咁落去, 爆起煲唔會小事囉.

    其實佢哋要賺咪賺豪宅囉, 何必去趕絕d窮人呢! 你樽香水賣貴d唔通人哋嘈咩! 但個飯盒賣到人買唔起就造孽啦.

    唉, 不過你望個咁羞家政府有決心就不如望個天有眼囉.

    其實更大嘅問題係中國人嘅奴性. 搵你笨, 本嚟你出聲係理所當然; 但佢哋唔係咁諗, 被人搵笨出聲, 就俾人話破壞和諧, 搗亂, 然後大把人會附和話得啱, 哈, 咁就逆來順受架喇, 重覺得人有道理添架. 咁你話你想幫佢, 又喺邊度入手吖?

    回覆刪除

訂閱： 發佈留言 (Atom)
window.setTimeout(function() { document.body.className = document.body.className.replace('loading', ''); }, 10);