專業嫁接一樣有失敗例子

呢棵枇杷已經種咗起碼七年, 但一直都唔長大. 佢結過少量嘅果, 但果實又酸又細. 而且呢兩年佢嘅樹皮逐漸剝裂, 冇樹皮輸送營養, 意味住佢連生存都成問題.

首先睇下佢砧木同接穗嘅生長比例, 砧木用quince, 不斷長粗; 但接穗枇杷本身嫁接後反而生長非常緩慢, 形成 '大脚' 現象

樹皮爆裂剝落

對比下實生樹嘅樹皮狀況, 呢棵係我用枇杷核種出嚟嘅實生樹, 已經開花結果. 佢皮係平滑嘅

如果呢個唔係偶然現象嘅話, 即是用quince嚟嫁接枇杷係唔啱嘅. 有人可能想利用quince嘅耐旱特性, 但我認為其實冇必要, 因為枇杷本身都好耐旱, 用番枇杷嘅實生苗做砧木就已經可以.