話說一村婦養咗幾隻雞, 但公雞却面臨被宰命運, 原因係村婦有一個從城市搬入嘅鄰居不滿佢嘅公雞每晚高聲啼叫, 覺得擾人清夢實在太豈有此理, 所以發律師信俾村婦要佢劏雞, 否則索償.
村婦認為啼叫係公雞嘅權利, 就如人講話, 因此惹上殺身之禍並不合理.
爭執最終驚動警察. 而警察竟然又真係去量度公雞嘅聲量. 唔度猶自可, 一度, 真嘅超過咗 --- 結果, 投訴成立.
但警察又唔拉得隻雞, 點算? 於是叫雙方訴諸法律.
投訴人(25歲, 女)話, 佢祇想瞓得安樂, 返到屋企可以安安靜靜.
養雞人(40歲, 女)話, 個個養嘅雞都叫, 佢唔會因此而劏咗隻雞. 佢會向法庭為隻雞討公道.
雞會有咩命運呢? 睇過點.
公雞同主人
雞命可保.
回覆刪除雖然雞既憲法地位不高, 佢係一種在工廠被宰殺既食用動物, 但呢一隻會上升為非一般既雞, 係有感情既.
城市人沒有權利改變佢特性. 無案. 雞唔會遷就佢. 佢可以搬走.
一定不可以殺雞.
判殺雞EU 動物權益人士會介入吧? 要尋求上訴.
我諗起香港人又投訴青蛙嘈, 又嫌木棉花飛棉絮.
刪除睇嚟現代人, 城市人, 就祇配享受化學食品, 石屎森林.
個'新移民', 佢唔知鄉下有雞? 佢唔知雞會打鳴? 憑乜咁霸道?
條村嘅人應該即刻去養多d公雞, 將佢哋趕返去城市, 咪等佢又要享受鄉下嘅清新闊落, 又唔肯尊重人哋嘅傳統習俗.
香港人係惡劣. D狗剪斷聲帶來養, 我懷疑有幾普遍咁做, 我識人係咁做.
回覆刪除唔講斬貓仔後腿呢D D咁天理不容既事, (有病好心去睇醫生) 淨係剪聲帶已經好惡劣.
我讀過台灣人寫香港D貓臉容悽苦.
係, 人地無觀察錯誤.
香港人老有老既沒水準, 嫩有嫩既沒水準.
往往只講權利不講義務. 得來全都費功夫, 唔識咁款, 練精學懶, 有個臭錢就大乜哂.
英文讀成世都係咁既水平. D英文老師太差. 一接受BBC, NBC 訪問, 捉個路人, 果D 歪腳英文, 好肉酸, 唔該講中文, 上字幕更好.
連你識嘅人都有咁做, 咁即是係好普遍?
刪除其實d人怕唔怕報應? 佢哋養貓養狗嘅目的係乜呢?
如果佢哋唔想養, 就唔好養啦, 虐待d咁可憐嘅小動物做乜? 唉, 好心積下福啦.
希姆萊好瞧不起城市人, 城市人係懦夫.
回覆刪除可能有D 太往佢自己面上貼金, 佢本係農夫.
但某程度係, 無同土地有聯繫, 無保家衛國參軍, 就結果全都係媽寶, 全都係弱雞.
淨係睇張智霖話好紅, 就知幾幼稚品味.
40歲人裝嫩, 嘔唔嘔D?
唔嘔耶. 奇怪.
依家d人, 我覺得價值觀好有問題. 好似整個社會, 所有概念都有問題.
刪除有兩個錢就以為係貴族, 但全無修養. 乜嘢係榮譽, 乜嘢係責任, 乜嘢叫品味,乜嘢叫風度, 佢哋唔識.
張智霖, 真係對唔住, 我從來都唔中意. 佢依家做乜我唔知, 唔關佢事, 係同我冇眼緣. 我係好另類, 好難有知音, 所以唔會同人討論.
講裝嫩, 你識唔識劉曉慶? 好似話佢依家重要扮少女. 以前汪明荃咪又係咁, 死都要扮細. 真係幾廿年都冇乜變嘅, 我估都係潘迎紫, 趙雅芝, 米雪嗰d
劉曉慶係凍齡美女代表, 好似係咁叫, 定凍齡美少女.
回覆刪除近日佢57 歲嫁70幾歲, 好似話57歲係呃人, 應該實際加多3幾歲.
怪異囉.令觀眾好累, 望住佢個樣去諗佢之前既樣, 呢個樣同果個樣....???
我對女人裝嫩既TOLERANCE 比對男人好少少. 女人好似可以賺同情多D.
趙雅芝 怪怪的. 米雪過哂BAR, 觀乎佢係好女人呢一點上, 佢幾靚幾醜, 假設係醜, 都超越存啦, 即係聽到唔好都一係鬧過去, 咪嘈, 你又好靚咩? (尊重到寵愛程度.) 一係唔出聲. 唔會講埋一份.
汪明荃, 寧波人, 都唔係紅褲仔出身, 竟可成為八和會館會長, 都唔知係果D會員好OPEN MINDED 定太髒.
是旦一樣.
係唔係奇怪? 廣東大戲, 寧波人定上海人, 都唔咩野既.
(香港人啦, 什麼寧波人?)
WELL.....廣東大戲應係廣東省既人.
我好小心眼.
中秋節快樂.
中秋節快樂! sam你今年有冇月餅食?
刪除凍齡, 哈哈! 幾貼切. 有d人係得嘅.
57嫁70幾有幾值得大驚小怪? 十零年之嘛, 年紀大d起碼講嘢都有內涵d.
出奇得過楊震寧個外父娶楊震寧個玄孫女? 諗下d稱呼都暈.
趙雅芝我覺得靚架. 但汪明荃就真係... 佢唱流行曲都難頂啦, 重聽佢唱粵曲? 莫講話買飛, 倒轉俾錢我都唔去受罪.
無買月餅食. 糉都無食過. 好耐無食朱古力, 或者食呢樣野.
刪除凍齡美魔女, 童顏巨乳,.....ETC, 和風既VOCAB. 入中文都幾言簡意賅.
57嫁70幾係好事. 怪異係怪異佢個樣. 有個人陪係好既, 年紀老應該成熟D, 正路來講. 楊震寧我好似聽有人話係假新聞. 佢最好係假. 本來佢..好似果時係82對28 都好嘔心.
吓? 係假嘅咩? 咁都好d. 當時人哋轉俾我睇, 有埋關係圖, 邊個個仔個女總之亂晒龍, 理都理唔清嘅關係, 睇下都頭痛. :)
刪除年齡其實我又唔係咁介意. 我信有真愛, 如果佢唔離婚. 82歲都嗰頭近, 就算要忍, 又忍得幾多年? 咁都要離婚就好離譜囉.
嗰d扮嫩又好扮老又好, 做嗰行就係要扮. 但扮得好係本份, 最怕係睇見都打冷顫嗰d.
真係俾人覺得返老還童嗰d, 都係整容多囉, 邊度真係有靈丹妙藥架? 最緊要唔好整到好似鄭裕玲咁多後遺症就得囉.