賓菲加國王告別儀式

尤西比奥喪禮進行中
等陣先揀幾張相擺上嚟
==========

出身賓菲加, 因為六十年代帶領葡萄牙足球戰績輝煌被稱為足球國王嘅尤西比奥尋日突然去世. 文係賓菲加擁躉, 所以呢兩日屋企嘅電視祇要開着, 都多數撳咗去賓菲加台.

尤西比奥為人謙遜熱心, 大凡同足球有關嘅要事, 佢必定撐場, 好識做. 覺得佢同巴西比利幾相似. 所以喺本國頗獲不獨足球愛好者嘅擁戴.

佢今日下葬. 根據佢嘅意願, 首先係返賓菲加嘅燈光球場同球迷告別, 呢個係私人儀式, 祇有賓菲加支持者出席. 過程我有睇電視, 影咗幾張相.

 靈車行駛中

幾萬賓菲加支持者揮舞住有尤西比奥肖像嘅大旗喺冷風中等待

放置棺木嘅脚座一早已安放球場中心

白髮人兩行淚令人傷感

紅係屬於賓菲加嘅顏色

靈車到咗, 但唔知咩事比原定時間遲咗九分鐘入場

 靈車行至中間停低

由靈車入場開始接受掌聲, 球迷照例燃燒唔知乜, 睇煙霧迷漫就知

播放賓菲加會歌, 球迷展示頸巾

 會歌致敬之後棺木上車繞場一周同支持者告別

賓菲加現役團隊

 支持者作最後致敬

保安人員將心比心, 除咗伸手接收物件擺喺車上, 亦將上層拋落而跌喺地嘅物件幫手執起放好

離場

之後送往city hall, 俾公眾告別. 靈車經過沿途都係鼓掌送別嘅人, 連綿不斷嘅人龍喺我意料之外. 耐唔耐亦見有人行出馬路去拍下靈車, 算係最後道別.

然後去教堂, 係家人嘅儀式. 不過從電視所見, 除咗家人之外, 足球界亦頗多名人出現. 最後入場嘅係總統夫婦(照規矩, 任何人都要喺棺木之前進入教堂, 惟有總統可以例外)

依家仍唱緊歌. 按安排應該喺五點結束儀式, 正式下葬.