其實自己爆豬皮唔難嘅喎

以前聽人講爆豬皮, 無論係油爆定沙爆, 都係好麻煩嘅, 又話唔可以帶任何嘅肥肉, 要刮到好乾淨.

咁當然係買啦, 香港有得賣嘛. 不過每次食豬皮, 食到d毛拮嘴拮脷就好冇癮. 所以用薑蔥水燙過之後就係掹毛, 用個鉗仔係咁揀d毛嚟掹, 好辛苦, 因為佢通常係燒咗d毛, 但個毛頭喺裡面, 掹佢出嚟好麻煩. 

呢度冇得賣, 而文又中意食豬皮, 所以咪惟有自己試下諗辦法囉.

原嚟冇傳說中咁複雜, 用焗爐就可以架喇, 而且亦不必好乾淨, 帶住肥肉係冇問題嘅. 
爆好之後用個普通玻璃樽裝住唔會焾, 當小食隨時食都酥脆. 最大好處係爆之前可以自己將毛處理得好乾淨, 食得好開心.